தயாரிப்பாளர் ஆகும் அஜித்-விஜய் நாயகி!
- IndiaGlitz, [Friday,February 22 2019]
விஜய் நடித்த 'துப்பாக்கி, 'ஜில்லா மற்றும் 'மெர்சல்,' அஜித் நடித்த 'விவேகம்' உள்பட பல வெற்றிப்படங்களில் நடித்தவர் காஜல் அகர்வால். இவர் தற்போது 'குவீன்' ரீமேக் படமான 'பாரீஸ் பாரீஸ்' மற்றும் 'இந்தியன் 2' ஆகிய படங்களில் நடித்து வருகிறார்.
இந்த நிலையில் காஜல் அகர்வால் ஒரு படத்தை தயாரிக்கவிருப்பதாகவும், அந்த படத்தில் அவரே நாயகியாக நடிக்கவிருப்பதாகவும் செய்திகள் வெளிவந்துள்ளது. நாயகிகள் சினிமா தயாரிப்பில் ஈடுபடுவது மிக அரிதாக இருந்து வரும் நிலையில் காஜல் அகர்வால் தயாரிப்பில் இறங்கியுள்ளது அனைவரையும் ஆச்சரியப்படுத்தியுள்ளது
காஜல் அகர்வால் தயாரிக்கவிருக்கும் இந்த படத்தை பிரசாந்த் வர்மா இயக்கவுள்ளார். இவர் ஏற்கனவே நானி, காஜல் அகர்வால் நடித்த 'ஆ' என்ற படத்தை இயக்கியவர் என்பதும் தற்போது 'குவீன்' தெலுங்கு ரீமேக் படமான 'தட் இஸ் மகாலட்சுமி' படத்தை இயக்கி வருபவர் என்பதும் குறிப்பிடத்தக்கது. தெலுங்கில் உருவாகவிருக்கும் இந்த படம் குறித்த அறிவிப்பு விரைவில் வெளிவரும் என எதிர்பார்க்கப்படுகிறது.