ఒక‌ప్పుడు ఐటెమ్ సాంగ్, స్పెష‌ల్ సాంగ్ అంటే దాని కంటూ ప్ర‌త్యేకంగా న‌టీమ‌ణులుండేవారు. కానీ బాలీవుడ్ హీరోయిన్స్‌తో స్పెష‌ల్ సాంగ్స్ చేయించి కొత్త ట్రెండ్‌ను క్రియేట్ చేసింది. ఇప్పుడు అదే ట్రెండ్‌ను మ‌న టాలీవుడ్ ద‌ర్శ‌క నిర్మాత‌లు కూడా ఫాలో అవుతున్నారు. చాలా మంది స్టార్ హీరోయిన్స్ స్పెష‌ల్ సాంగ్స్‌లో కాలు క‌దిపేశారు కూడా. ఈ లిస్టులో కాజ‌ల్ అగ‌ర్వాల్ కూడా ఉంది. గ‌తంలో ఈమె ప‌క్కా లోక‌ల్ అంటూ.. ఎన్టీఆర్‌తో క‌లిసి `జ‌న‌తాగ్యారేజ్‌`లో చిందేసిన సంగ‌తి తెలిసిందే.

కాగా ఇప్పుడు మ‌రోసారి ఓ స్పెష‌ల్ సాంగ్ చేయ‌నుంది. ఆ సినిమా ఏదో కాదు.. అల్లు అర్జున్, త్రివిక్ర‌మ్ క‌ల‌యిక‌లో రూపొందుతోన్న చిత్రంలోని అని వార్త‌లు విన‌ప‌డుతున్నాయి. గ‌తంలో కాజ‌ల్ బ‌న్నితో ఆర్య‌2లో హీరోయిన్‌గా కూడా న‌టించింది. బ‌న్నితో ఉన్న స్నేహం కార‌ణంగానే కాజ‌ల్ ఈ స్పెష‌ల్ సాంగ్ చేయ‌డానికి ఒప్పుకుంద‌ని టాక్‌. మ‌రి ఈ వార్త‌ల్లో నిజమెంతో తెలియాలంటే కొన్నిరోజులు ఆగాల్సిందే.