ద‌శాబ్ద‌కాలం నుండి హీరోయిన్‌గా రాణిస్తున్న పంజాబీ సొగ‌స‌రి కాజ‌ల్ అగ‌ర్వాల్‌.. ఇప్పుడు స్టార్ హీరోల ప‌క్క‌నే కాదు.. కుర్ర హీరోల‌తో కూడా జ‌త క‌డుతుంది. ప్ర‌స్తుతం ఈ అమ్మ‌డు న‌టించిన త‌మిళ చిత్రం పారిస్ పారిస్ పోస్ట్ ప్రొడ‌క్ష‌న్ ప‌నులు జ‌రుపుకుంటుంది. కాగా తెలుగులో బెల్లంకొండ శ్రీనివాస్‌తో రెండు సినిమాలు చేస్తుంది. ర‌వితేజ సినిమాలో న‌టిస్తుంది.

తాజాగా రాజ‌శేఖ‌ర్ సినిమాలో కాజ‌ల్ అగ‌ర్వాల్‌ను హీరోయిన్‌గా న‌టించ‌మ‌ని యూనిట్ సంప్ర‌దించింద‌ట‌. అయితే బిజీ షెడ్యూల్ కార‌ణంగా కాజ‌ల్ సినిమాకు నో చెప్పేసింద‌ట‌. పి.ఎస్‌.వి గ‌రుడ‌వేగ త‌ర్వాత రాజ‌శేఖ‌ర్ మ‌రోసారి ప‌వ‌ర్‌ఫుల్ పోలీస్ ఆఫీస‌ర్ పాత్ర‌లో న‌టిస్తున్నాడు. `అ!` ఫేమ్ ప్ర‌శాంత్ వ‌ర్మ ఈ సినిమాను తెర‌కెక్కిస్తున్నాడు.