ఇంత‌కు ముందు వ‌ర‌కు త‌మ‌న్నా, శ్రుతి హాస‌న్‌ల‌కే మాత్ర‌మే ప‌రిమిత‌మైన ఓ అంశం.. ఇప్పుడు కాజ‌ల్‌కి కూడా యాడ్ అవుతోంది. అదేమిటంటే.. మెగా ఫ్యామిలీకి చెందిన బాబాయ్ అబ్బాయ్ ప‌వ‌న్ క‌ళ్యాణ్ తోనూ, రామ్‌చ‌ర‌ణ్‌తోనూ రొమాన్స్ చేయ‌డం. రామ్‌చ‌ర‌ణ్‌తో ర‌చ్చ‌లో న‌టించాక‌.. ప‌వ‌న్‌తో కెమెరామెన్‌గంగ‌తో రాంబాబు చేసింది త‌మ‌న్నా. ఇక శ్రుతి హాస‌న్ ఏమో ప‌వ‌న్‌తో గ‌బ్బ‌ర్‌సింగ్ చేశాక‌.. చ‌ర‌ణ్‌తో ఎవ‌డు చేసింది.

ఇలా బాబాయ్ అబ్బాయ్ తో జ‌ట్టుక‌ట్టిన హీరోయిన్ల జాబితాలో ఇప్పుడు కాజ‌ల్ చేరిన సంగ‌తి తెలిసిందే. మ‌గ‌ధీర‌, నాయ‌క్‌, గోవిందుడు అంద‌రి వాడేలే.. ఇలా చెర్రీ హీరోగా న‌టించిన మూడు చిత్రాల్లో హీరోయిన్గా న‌టించిన కాజ‌ల్‌కి.. బాగా ఆల‌స్యంగానే ప‌వ‌న్‌తో ఆడిపాడే అవ‌కాశం వ‌చ్చింది స‌ర్దార్ గ‌బ్బ‌ర్ సింగ్ కోసం.

ప‌వ‌న్‌తోనూ, చ‌ర‌ణ్‌తోనూ శ్రుతి హాస‌న్ కి విజ‌యాలుంటే.. త‌మ‌న్నాకి మాత్రం వారిలో ఒక‌రి కాంబినేష‌న్‌లో మాత్ర‌మే హిట్ కొట్టిన వైనం ఉంది. ఈ నేప‌థ్యంలో ఇప్ప‌టికే చ‌ర‌ణ్‌తో విజ‌యాలందుకున్న కాజ‌ల్‌కి.. ప‌వ‌న్‌తో ఎలాంటి రిజ‌ల్ట్ అందుతుందో చూడాలి. ప‌వ‌న్‌తోనూ స‌క్సెస్ పొందితే మాత్రం శ్రుతి లా బాబాయ్ అబ్బాయ్ లిద్ద‌రికీ అచ్చొచ్చిన హీరోయిన్‌గా కాజ‌ల్‌కీ ప్ర‌త్యేక గుర్తింపు ద‌క్కుతుంది. చూద్దాం.. ఏం జ‌రుగుతుందో?