Click here for Kajal Agarwal Gallery

கோ, யான் ஆகிய படங்களை தயாரித்த ஆர்.எஸ் இன்ஃபோடையின்மென்ட் நிறுவனம் அடுத்து தயாரித்து வரும் திரைப்படம் 'கவலை வேண்டாம்'. இந்த படத்தில் ஜீவா, கீர்த்தி சுரேஷ் நடிக்க சமீபத்தில் ஒப்பந்தமாகி போட்டோஷூட்டும் நடந்தது. ஆனால் திடீரென தற்போது இந்த படத்தில் இருந்து கீர்த்தி சுரேஷ் நீக்கப்பட்டு அவருக்கு பதிலாக காஜல் அகர்வாலை ஒப்பந்தம் செய்துள்ளதாக செய்திகள் வெளிவந்துள்ளது. இதனால் கீர்த்தி சுரேஷ் கவலை அடைந்துள்ளதாக கூறப்படுகிறது.

இந்த படத்தின் படப்பிடிப்பு தேதிகள் மற்றும் கீர்த்தி சுரேஷின் கால்ஷீட் குளறுபடி காரணமாக கீர்த்தி சுரேஷ் நீக்கப்பட்டுள்ளதாக கூறப்படுகிறது. இந்த படத்தை டிகே இயக்கவுள்ளார். இவர் ஏற்கனவே 'யாமிருக்க பயமே' என்ற படத்தை இயக்கியுள்ளார் என்பது குறிப்பிடத்தக்கது.

தேசிய விருது பெற்ற பாபிசிம்ஹா, 'டார்லிங்' நாயகி நிகில் கல்ராணி, கருணாகரன், மயில்சாமி உள்பட பலர் இந்த படத்தில் நடிக்கவுள்ளனர். இந்த படத்திற்கு எஸ்.என்.பிரசாத் இசையமைப்பாளராகவும், முகேஷ் ஒளிப்பதிவாளராகவும், அந்தோணி எல்.ரூபன் படத்தொகுப்பாளராகவும் பணிபுரிகின்றனர். இந்த படத்தில் சமையல் பணிபுரியும் செஃப் ஆக வித்தியாசமான கேரக்டரில் ஜீவா நடிக்கவுள்ளார். இந்த படம் ரொமான்ஸ் கலந்த காமெடி விருந்தாக ரசிகர்களுக்கு அமையும் என படக்குழுவினர்களால் கூறப்படுகிறது.