మ‌రో బాలీవుడ్ ప్రాజెక్ట్‌లో చంద‌మామ
- IndiaGlitz, [Wednesday,August 28 2019]
2004లో బాలీవుడ్‌లో హీరోయిన్‌గా కెరీర్‌ను స్టార్ట్ చేసిన కాజ‌ల్ అగర్వాల్.. 2007లో ల‌క్ష్మీకల్యాణంతో టాలీవుడ్‌లోకి అడుగుపెట్టింది. అక్క‌డ నుండి తెలుగు ప్రేక్ష‌కుల‌కు వ‌రుస సినిమాల‌తో ద‌గ్గ‌రైంది. స్టార్ హీరోలైన ప్ర‌భాస్‌, మ‌హేశ్‌, ఎన్టీఆర్‌, రామ్‌చ‌ర‌ణ్‌, అల్లు అర్జున్ ఇలా అంద‌రితో వ‌రుస సినిమాలు చేస్తూ వ‌చ్చింది. అలాగే త‌మిళంలో అగ్ర హీరోలైన విజ‌య్, అజిత్ స‌హా కుర్ర హీరోల‌తోనూ వ‌రుస సినిమాలు చేసింది. పుష్క‌ర కాలం దాటినా కుర్ర హీరోయిన్స్‌కు గ్లామ‌ర్‌తో పోటీ ఇస్తూ వ‌రుస అవ‌కాశాల‌ను అందిప‌చ్చుకుంటుంది. కేవ‌లం తెలుగు, త‌మిళంకే ప‌రిమితం కాకుండా.. హిందీలోనూ పాగా వేయ‌డానికి ప్ర‌య‌త్నాలు చేస్తూ వ‌చ్చింది. సింగం, స్పెష‌ల్ 26, దో ల‌ఫోజ్ కీ క‌హానీ వంటి సినిమాల్లో నటించింది. సింగం, స్పెష‌ల్ 26 సినిమాలు పెద్ద హిట్ట‌యినా కాజ‌ల్‌కు ఎందుక‌నో బాలీవుడ్‌లో వ‌రుస అవ‌కాశాలు రాలేదు. అయినా ఈ అమ్మ‌డు మాత్రం నిరాశ ప‌డ‌కుండా త‌న వంతు ప్ర‌య‌త్నాలను చేస్తూనే వ‌స్తుంది.
లేటెస్ట్ స‌మాచారం ప్ర‌కారం ఈ సొగ‌స‌రి చంద‌మామ మ‌రో బాలీవుడ్ అవ‌కాశాన్ని అందిపుచ్చుకుంది. రీసెంట్‌గా బాట్లా హౌస్‌తో హిట్ సాధించిన జాన్ అబ్ర‌హం హీరోగా ముంబై సాగా సినిమా తెర‌కెక్క‌నుంది. గ్యాంగ్‌స్ట‌ర్ నేప‌థ్యంలో తెర‌కెక్క‌బోయే ఈ చిత్రంలో జాన్ అబ్ర‌హం స‌ర‌స‌న కాజ‌ల్ అగర్వాల్ న‌టించ‌నుంది. ఇంకా ఈ చిత్రంలో ఇమ్రాన్ హష్మి, జాకీ ష్రాఫ్‌, సునీల్ శెట్టి త‌దిత‌రులు కీల‌క పాత్రల్లో న‌టిస్తున్నారు. సంజ‌య్ గుప్తా ఈ సినిమాను డైరెక్ట్ చేయబోతున్నాడు. త‌ర్వ‌లోనే ఈ సినిమాకు సంబంధించిన అధికార‌క స‌మాచారం ప్ర‌క‌టించ‌నున్నారు. మ‌రి ఈ సినిమాతో అయినా కాజ‌ల్ బాలీవుడ్ దృష్టిలో ప‌డేంత పెద్ద హిట్ ను సొంతం చేసుకుని బాలీవుడ్‌లో మ‌రిన్ని అవ‌కాశాల‌ను ద‌క్కించుకుంటుందా? అని తెలియాలంటే వేచి చూడాల్సిందే.