కాజల్ కు కలిసి రాలేదు...
- IndiaGlitz, [Wednesday,May 25 2016]
పంజాబీ ముద్దుగుమ్మ కాలజ్ అగర్వాల్ కు ఈ ఏడాది అంతగా కలిసి రాలేదనే చెప్పాలి. ముఖ్యంగా టాలీవుడ్ విషయంలో ఆమెకు వచ్చిన ఫలితాలు ఆమెకు కంగారు కలిగిస్తున్నాయనే చెప్పాలి. ఎందుకంటే ఈ ఏడాది ఒకవైపు పవర్ స్టార్ పవన్ కల్యాణ్ తో, మరోవైపు మహేష్ బ్రహ్మోత్సవంలో కలిసి నటించింది. నిజానికి ఈ రెండు సినిమాలు క్రేజీ ప్రాజెక్టులనే చెప్పాలి. అయితే ఈ రెండు బాక్సాఫీస్ వద్ద బోల్తాపడటం కాజల్ కు మింగుడు పడని విషయమే. ఈ ఏడాది కాజల్ తెలుగు చేయబోతున్న సినిమా ఆమెకు గురువైన తేజ దర్శకత్వంలో రానా హీరోగా రూపొందనున్న చిత్రం. ఈ సినిమాతో అయినా తెలుగులో ఈ ఏడాది తెలుగులో సక్సెస్ కొట్టాలని అమ్మడు బావిస్తోంది. ఏం చేస్తాం కాలం కలిసి రాకపోతే ఎవరేం చేయలేం.