టాలీవుడ్ చంద‌మామ కాజ‌ల్ అగ‌ర్వాల్.. తెలుగు ప‌రిశ్ర‌మ‌కు వ‌చ్చి ప‌దేళ్ళు పూర్త‌య్యింది. అయిన‌ప్ప‌టికీ.. అదే జోరు కొన‌సాగిస్తోంది. పెద్ద సినిమా, చిన్న సినిమా అనే విష‌యాల‌ను దృష్టిలో పెట్టుకోకుండా.. క‌థ న‌చ్చితే చాలు.. ఆయా సినిమాల్లో తానూ భాగమైపోతోంది. గ‌తేడాది విడుద‌లైన నేనే రాజు నేనే మంత్రితో న‌టిగా 50 చిత్రాల‌ను పూర్తి చేసుకున్న కాజ‌ల్.. ఈ ఏడాది ఆరంభంలోనే రెండు ఆస‌క్తిక‌ర‌మైన సినిమాల‌తో బ్యాక్ టు బ్యాక్ మంత్స్‌లో సంద‌డి చేయ‌నుంది. వాటిలో ముందుగా వ‌స్తున్న చిత్రం అ!.

ఇందులో కాజ‌ల్ ఓ వైవిధ్య‌భ‌రిత‌మైన పాత్ర‌లో క‌నిపించ‌నుంద‌ని చిత్ర వ‌ర్గాలు పేర్కొంటున్నాయి. క‌థ మొత్తం ఈ పాత్ర ఆలోచ‌న‌ల చుట్టే తిరుగుతుంద‌ని.. కాజ‌ల్ కెరీర్‌లో ఈ పాత్ర‌ స‌మ్‌థింగ్ స్పెష‌ల్ అవుతుంద‌ని వినిపిస్తోంది. ఈ నెల 16న ఈ సినిమా విడుద‌ల కానుంది. ఇక వ‌చ్చే నెల కూడా మ‌రో ఆస‌క్తిక‌ర‌మైన సినిమాతో కాజ‌ల్ సంద‌డి చేయ‌నుంది. క‌ల్యాణ్ రామ్ హీరోగా న‌టిస్తున్న ఆ చిత్ర‌మే ఎం.ఎల్.ఎ. ఈ మూవీ మార్చి 28న ప్రేక్ష‌కుల ముందుకు రానుంది. త‌న తొలి తెలుగు క‌థానాయ‌కుడు క‌ల్యాణ్ రామ్‌తో కాజ‌ల్ చేస్తోన్న రెండో చిత్ర‌మిది. మొత్తానికి.. రెండు వ‌రుస నెల‌ల్లో రెండు చిత్రాల‌తో కాజ‌ల్ సంద‌డి చేయ‌నుంద‌న్న‌మాట‌.