Kajal Agarwal Gallery

బ్రహ్మోత్సవం టీజర్లో కాజల్ కనిపించిన తీరు ఆసమ్. ఈ నెల 20న ఆ చిత్రం విడుదలకు సిద్ధమైంది. దాంతో ప్రస్తుతం కాజల్ తన హిందీ చిత్రం మీద దృష్టి పెట్టింది. ఆ చిత్రంలో భాగంగానే ఇప్పుడు బ్రెయిలీ నేర్చుకుంటోంది. దీని గురించి కాజల్ చెప్తూ ``డో లఫ్జాన్ కి కహానీ ప్రిపరేషన్ లో భాగంగానే నేను ప్రస్తుతం బ్రెయిలీ నేర్చుకుంటున్నాను. హెల్లెన్ కెల్లర్ పుస్తకాలను చదువుతున్నాను. కొన్ని రెఫరెన్స్ పుస్తకాలను చదువుతున్నాను, చాలా చిత్రాలను చూస్తున్నాను, సెంట్ జేవియర్ కాలేజీలో ఎక్స్ ఆర్ సీవీసీ విభాగంలో ప్రత్యేకంగా వర్క్ షాప్ కు కూడా అటెండ్ అయ్యాను.

వీటన్నిటివల్ల అంధుల వ్యావహారిక శైలి ఎలా ఉంటుందో అర్థం చేసకోగలిగాను. దీనికి నాకు డా.శ్యామ్, కల్వీనా చాలా సాయం చేశారు. వాళ్లే నాకు బ్రెయిలీ నేర్పించారు. స్పెషల్ కంప్యూటర్స్, ఆడియో మెషిన్ల గురించి, మైక్రోవేవ్స్, వాచ్ లు, మొబైల్ ఫోన్ల గురించి సంపూర్ణంగా వివరించారు. అంధులు నడిచే విధంగా నడవడానికి నాకు కల్వీనా చాలా సాయం చేశారు. అన్నిటికీ కళ్లతో చూసి, ఎక్స్ ప్రెషన్స్ ఇచ్చి అలవాటైన నాకు, ఒక్క సారి కళ్లు మూసుకుని చీకట్లో పనులు చేయాలంటే కాస్త ఇబ్బందిగా అనిపించినమాట వాస్తవమే. అయితే ఈ పాత్రకోసం తీసుకుంటున్న శిక్షణలో భాగంగా నా కళ్ళను తిప్పడం కంట్రోల్ చేసుకుంటున్నాను. ఇందులో నా రెండుకళ్లు ఒకే వైపునకు తిప్పినట్టు కనిపిస్తాయి`` అని కంప్లీట్ డీటైల్స్ చెప్పేసింది కాజల్.