అల్ల‌రి చిత్రంతో హీరోగా ఎంట్రీ ఇచ్చి నేటిత‌రం హీరోల్లో కామెడీ స్టార్‌గా పేరు సంపాదించుకుని యాబై సినిమాల‌ను పూర్తి చేశాడు అల్ల‌రి న‌రేశ్‌. అయితే ఈ మ‌ధ్య హీరోగా అల్ల‌రి న‌రేశ్‌కు పెద్ద‌గా స‌క్సెస్‌లు లేవు. దీంతో క్యారెక్ట‌ర్‌గా న‌టుడిగా కూడా మారాడు ఈ అల్ల‌రోడు. మ‌హేశ్ స్నేహితుడిగా న‌రేశ్ న‌టించిన తాజా చిత్రం మ‌హ‌ర్షి కూడా భారీ విజ‌యాన్ని సాధించింది. మ‌రో ప‌క్క‌న హీరోగా సినిమాలు కూడా చేస్తున్న న‌రేశ్ ప్ర‌స్తుతం బంగారుబుల్లోడు, నాంది సినిమాలు చేస్తున్నాడు. వీటిలో బంగారు బుల్లోడు సినిమా పోస్ట్ ప్రొడ‌క్ష‌న్ కార్య‌క్ర‌మాలు జ‌రుపుకుంటుంటే.. నాంది సినిమా షూటింగ్ జ‌రుగుతుంది.

లేటెస్ట్ స‌మాచారం మేర‌కు న‌రేశ్ ఓ కొరియ‌న్ రీమేక్‌లో న‌టించ‌నున్నాడ‌ని స‌మాచారం. వివ‌రాల మేర‌కు సురేష్ ప్రొడ‌క్ష‌న్స్ అధినేత సురేష్‌బాబు ఓ కొరియ‌న్ సినిమాను రీమేక్ చేయాల‌నుకుంటున్నాడ‌ట‌. ఈ చిత్రంలో హీరోయిన్‌దే ప్ర‌ధాన భూమిక. ఆ పాత్ర‌లో కాజ‌ల్ అగ‌ర్వాల్‌ను న‌టింప చేయాల‌ని సురేశ్ బాబు ప్ర‌య‌త్నిస్తున్నాడ‌ట‌. ఇండియ‌న్ 2 త‌ర్వాత మ‌రో సినిమాలో న‌టించ‌ని కాజ‌ల్ అగ‌ర్వాల్ మ‌రి సురేశ్‌బాబు ఆఫ‌ర్‌కి ఓకే చెబుతుందా?.. ఒక‌వేళ ఆమె ఓకే చెప్పినా ఆమె ఓకే చెప్పే భారీ రెమ్యున‌రేష‌న్‌ని ఇవ్వ‌డానికి సురేశ్‌బాబు ఓకే అంటాడో లేదో తెలియాలంటే వేచి చూడాల్సిందే.