వేస‌వికి వ‌స్తుంద‌నుకున్న ప‌వ‌న్ క‌ళ్యాణ్ కొత్త చిత్రం 'స‌ర్దార్ గ‌బ్బ‌ర్ సింగ్'.. అంత‌కంటే ముందే సంక్రాంతి కానుక‌గా రానుంద‌న్న‌ది ఫిల్మ్‌న‌గ‌ర్ టాక్‌. అదే గ‌నుక జ‌రిగితే ఈ ఏడాది సంక్రాంతికి 'గోపాల గోపాల' తో ప‌ల‌క‌రించిన ప‌వ‌న్‌.. స‌రిగ్గా ఏడాది త‌రువాత త‌న కొత్త చిత్రం 'స‌ర్దార్ గ‌బ్బ‌ర్ సింగ్‌'తో ప‌ల‌క‌రించిన‌ట్ల‌వుతుంది. బాబీ ద‌ర్శ‌క‌త్వం వ‌హిస్తున్న ఈ సినిమా కోసం ప‌వ‌న్ స‌ర‌స‌న తొలిసారిగా కాజ‌ల్ న‌టిస్తోంది.

ఇదిలా ఉంటే.. సంక్రాంతి సంద‌ర్భంలో పెద్ద హీరోల‌తో సంద‌డి చేసిన కాజ‌ల్ సినిమాల‌న్నీ హిట్టే. మ‌హేష్‌తో 'బిజినెస్‌మేన్‌', రామ్‌చ‌ర‌ణ్‌తో 'నాయ‌క్‌', అల్లు అర్జున్‌తో 'ఎవ‌డు'.. ఇలా కాజ‌ల్ సంక్రాంతి సినిమాల‌న్నీ బాక్సాఫీస్ వ‌ద్ద బంప‌ర్ హిట్‌లుగా నిలిచాయి. ఈ నేప‌థ్యంలో ప‌వ‌న్ కాంబినేష‌న్‌లో కాజ‌ల్ చేస్తున్న ఈ సంక్రాంతి స్పెష‌ల్ మూవీ కూడా సెంటిమెంట్ ప‌రంగా హిట్ అవుతుందేమో చూడాలి.