போலீஸ் எச்சரிக்கையை மீறி காஜல் அகர்வால் வெளியிட்ட வீடியோ
- IndiaGlitz, [Monday,August 13 2018]
தற்போது உலகம் முழுவதும் ஆபத்தான டிரெண்ட்டை ஏற்படுத்தி வருவது கிகி சேலஞ்ச் என்பது தெரிந்ததே. காரில் இருந்து திடீரென இறங்கி சாலையில் நடனமாடும் இந்த சேலஞ்சால் விபத்துக்கள் ஏற்பட்டு உயிரிழப்பும் நடந்து வரும் நிலையில் இந்த கிகி சேலஞ்சை நடிகைகள் உள்பட யாரும் செய்ய வேண்டாம் என காவல்துறை எச்சரித்துள்ளது.
போலீசாரின் இந்த எச்சரிக்கையையும் மீறி காஜல் அகர்வால் தனது சமூக வலைத்தளத்தில் கிகி சேலஞ்ச் வீடியோ ஒன்றை வெளியிட்டுள்ளார். ஆனால் இந்த கிகி சேலஞ்ச் பிசியான சாலையில் இல்லாமல் படப்பிடிப்பு தளத்தில் பாதுகாப்பான இடத்தில் படமாக்கப்பட்டுள்ளது. தெலுங்கு நடிகர் பெல்லம்கொண்டா ஸ்ரீனிவாஸ் உடன் வீல்சேர் கிகி சேலஞ்ச் நடனம் ஆடும் காஜல் அகர்வால் கடைசியில் விபத்தை ஏற்படுத்தக்கூடிய இந்த கிகி சேலஞ்சை யாரும் செய்ய வேண்டாம் என்று வலியுறுத்தியுள்ளார். காஜல் அகர்வால் வெளியிட்டுள்ள இந்த வீடியோ தற்போது இணையத்தில் வைரலாகி வருகிறது.
காஜல் அகர்வால் தற்போது தமிழில் ரமேஷ் அரவிந்த் இயக்கத்தில் 'பாரீஸ் பாரீஸ்' என்ற படத்திலும் இரண்டு தெலுங்கு படங்களிலும் நடித்து வருகிறார் என்பது குறிப்பிடத்தக்கது.
Joining in the bandwagon, better late and safer! Our very conscious version. किकी we लव you(but we love rules more)@hydcitypolice
— Kajal Aggarwal (@MsKajalAggarwal) August 12, 2018
Madness we do on set while shooting an action sequence,with my Star of a partner-in-humour @BSaiSreenivas #InMyFeelingsChallenge #kikichallange @Drake pic.twitter.com/W65N3KBOXX