కాజల్ ఉంటే అంతే
- IndiaGlitz, [Monday,April 11 2016]
ఈ త‌రం అగ్ర హీరోలంద‌రితోనూ ఆడిపాడిన క‌థానాయిక‌ల్లో కాజల్ అగ‌ర్వాల్ ఒక‌రు. ప‌వ‌న్ కళ్యాణ్, మ‌హేష్ బాబు, ఎన్టీఆర్, ర‌వితేజ, రామ్ చ‌ర‌ణ్‌, ప్ర‌భాస్‌, అల్లు అర్జున్.. ఇలా అంద‌రితోనూ జోడీ క‌ట్టిందీ చంద‌మామ. ముగ్గురు హీరోల ప‌క్క‌న మిన‌హాయిస్తే మిగిలిన అంద‌రితోనూ హిట్ పెయిర్ అనే ముద్ర‌ను వేసుకుంది. ఆ ముగ్గురులో ఇద్ద‌రు మెగా హీరోలు ఉండ‌డం గ‌మ‌నార్హం.
ఆ ఇద్ద‌రు ప‌వ‌న్ కళ్యాణ్, అల్లు అర్జున్. బ‌న్నితో చేసిన 'ఆర్య 2' బాక్సాఫీస్ వ‌ద్ద డిజాస్ట‌ర్‌గా నిలిస్తే.. తాజాగా వ‌చ్చిన ప‌వ‌న్ 'స‌ర్దార్ గ‌బ్బ‌ర్‌సింగ్‌'ది అదే ప‌రిస్థితి. విశేష‌మేమిటంటే.. ఈ రెండు కూడా సీక్వెల్ చిత్రాలు కావ‌డం. అంటే.. సీక్వెల్ చిత్రాల్లో కాజల్ న‌టించిందంటే ఆ సినిమా ఫ‌లితం ఇక అంతే సంగ‌తులు అని ఫిల్మ్‌న‌గ‌ర్ వ‌ర్గాలు గుస‌గుస‌లాడుకుంటున్నాయి. రానున్న కాలంలో అయినా కాజల్ ఈ ముద్ర‌ను చెరిపేసుకుంటుందో లేదో మ‌రి.