கல்விக்காக உதவி கேட்ட மாணவி ஒருவருக்கு நடிகை காஜல் அகர்வால் மிகப்பெரிய தொகை ஒன்றை வழங்கியதை அடுத்து அவருக்கு பாராட்டுக்கள் குவிந்து வருகிறது.

டுவிட்டர் மூலம் கல்வி உதவி கேட்ட மாணவி ஒருவருக்கு காஜல்அகர்வால் ஒரு லட்ச ரூபாய் அனுப்பி உள்ளதாக தகவல்கள் வெளிவந்துள்ளது. காஜல் அகர்வாலை டுவிட்டர் மூலம் தொடர்பு கொண்ட ஐதராபாத்தை சேர்ந்த மாணவி ஒருவர் கல்லூரி கட்டணம் செலுத்த பணம் இல்லை என்றும் கல்விக்கட்டணம் ரூ.83 ஆயிரம் கட்ட வேண்டும் என்றும், அதற்கு பணம் இல்லாமல் தவிப்பதாகவும் குறிப்பிட்டிருந்தார் 

இதனை அடுத்து உடனே அவரை தொடர்பு கொண்ட காஜல் அகர்வால் அவரது வங்கி கணக்கு விவரங்களைப் பெற்று அவரது வங்கி கணக்கில் ரூபாய் ஒரு லட்ச ரூபாய் டெபாசிட் செய்து உள்ளார். இதனையடுத்து அந்த மாணவி காஜல்அகர்வால் நன்றி கூறியுள்ளார். கல்வி உதவி கேட்ட மாணவி ஒருவருக்கு உடனடியாக ஒரு லட்சம் நிதி உதவி வழங்கிய நடிகை காஜல் அகர்வாலுக்கு பாராட்டுக்கள் குவிந்து வருகிறது

இந்த நிலையில் காஜல் அகர்வால் தற்போது கமல்ஹாசனின் ’இந்தியன் 2’ சிரஞ்சீவியின் ’ஆச்சார்யா உள்ளிட்ட ஒருசில படங்களில் நடித்து வருகிறார் என்பது குறிப்பிடத்தக்கது