பாரத பிரதமர் நரேந்திரமோடி இன்று தனது 68வது பிறந்த நாளை கொண்டாடி வருகிறார். அவருக்கு இந்திய அரசியல் தலைவர்கள் மட்டுமின்றி உலக தலைவர்களும் தொடர்ந்து வாழ்த்துக்களை தெரிவித்து வருகின்றனர்.

குடியரசு தலைவர் ராம்நாத் கோவிந்த் தனது வாழ்த்துச்செய்தியில், பிரதமர் நரேந்திர மோடிக்கு பிறந்த நாள் வாழ்த்துக்களை தெரிவித்துக்கொள்கிறேன். நாட்டு மக்களுக்கு பல ஆண்டுகள் அர்ப்பணிப்புடன் பணியாற்ற நீண்ட நாட்கள் நல்ல உடல்நலத்துடன் வாழ வாழ்த்துவதாக தனது சமூக வலைத்தளத்தில் தெரிவித்துள்ளார்.

அதேபோல் இந்தியாவில் உள்ள முக்கிய திரை நட்சத்திரங்களும் பிரதமருக்கு தொலைபேசி வாயிலும் சமூக வலைத்தளங்களிலும் வாழ்த்துக்களை தெரிவித்து வருகின்றனர். அந்த வகையில் சற்றுமுன் விஜய், அஜித் உள்பட முன்னணி நடிகர்களுடன் நடித்த நடிகையான காஜல் அகர்வால் தன்னுடைய சமூக வலைத்தள பக்கத்தில் பிரதமர் மோடிக்கு தனது பிறந்த நாள் வாழ்த்துக்களை தெரிவித்துள்ளார்.

மாண்புமிகு பிரதமர் நரேந்திரமோடி அவர்களுக்கு எனது பிறந்த நாள் வாழ்த்துக்கள். நம் நாட்டின் முன்னேற்றத்திற்காக நீங்கள் எடுக்கும் அனைத்து முயற்சிகளிலும் உங்களுக்கு மிகப்பெரிய வெற்றி கிடைக்க வாழ்த்துகிறேன்' என்று காஜல் அகர்வால் தெரிவித்துள்ளார்.