సర్దుకుపోతున్న కాజల్
- IndiaGlitz, [Wednesday,November 18 2015]
టాలీవుడ్ చంద‌మామ కాజల్ అగ‌ర్వాల్‌.. ప్రస్తుతం రెండు తెలుగు సినిమాలు చేస్తున్న సంగ‌తి తెలిసిందే. వాటిలో ఒక‌టి ప‌వ‌ర్ స్టార్ ప‌వ‌న్ క‌ళ్యాణ్‌తో మొద‌టిసారిగా జోడీక‌డుతున్న 'సర్దార్ గ‌బ్బ‌ర్ సింగ్' కాగా.. మ‌రొక‌టి సూప‌ర్ స్టార్ మ‌హేష్‌బాబుతో 'బిజినెస్‌మేన్' వంటి హిట్ చిత్రం త‌రువాత రెండోసారి జ‌త‌క‌డుతున్న'బ్ర‌హ్మోత్స‌వం'.
ఈ రెండు సినిమాలు కూడా స‌మ్మ‌ర్ స్పెష‌ల్‌గా విడుద‌ల కానున్నాయి. ఈ రెండు సినిమాల్లోనూ కాజల్ సోలో హీరోయిన్ కాదు. 'సర్దార్'లో రాయ్ ల‌క్ష్మీ మరో నాయిక‌గా న‌టిస్తుంటే.. 'బ్ర‌హ్మోత్స‌వం'లో స‌మంత, ప్ర‌ణీత కూడా నటిస్తున్నారు. గ‌త చిత్రాలు 'బాద్‌షా', 'గోవిందుడు అంద‌రివాడేలే', 'టెంప‌ర్' కోసం సోలో హీరోయిన్‌గా సంద‌డి చేసిన కాజ‌ల్‌కి.. కొత్త చిత్రాల కోసం మాత్రం అలాంటి అవ‌కాశం లేకుండా పోయింది. మ‌ల్టీ హీరోయిన్ ప్రాజెక్ట్‌ల‌తో స‌ర్దుకుపోతోంది.