'பேட்மேன்' சவாலை ஏற்றுக்கொண்ட நடிகை காஜல் அகர்வால்
- IndiaGlitz, [Saturday,February 10 2018]
அக்சயகுமார் நடிப்பில் உருவான நாப்கின் குறித்த விழிப்புணர்வு திரைப்படமான 'பேட்மேன்' திரைப்படம் நேற்று உலகம் முழுவதும் வெளியாகி பெரும் வரவேற்பை பெற்று வருகிறது. இந்த படம் திரையிடப்படும் திரையரங்குகளில் பெண்கள் டாய்லட்டில் இலவச நாப்கின்கள் வைக்கும் அளவுக்கு இந்த படம் பெரும் பாதிப்பை பொதுமக்களிடம் ஏற்படுத்தியுள்ளது என்பதையும் நேற்று பார்த்தோம்
இந்த நிலையில் கடந்த சில மணி நேரங்களாக #PadmanChallenge என்ற ஹேஷ்டெக் டுவிட்டரில் டிரெண்ட் ஆகி வருகிறது. இதில் நடிகைகள் உள்பட பிரபலமான பெண்கள் பலர் தங்கள் கையில் நாப்கின்களை வைத்து போஸ் கொடுத்து வருகின்றனர். மேலும் நாப்கின்களை கையில் வைத்து போஸ் கொடுப்பதில் தங்களுக்கு எந்த வெட்கமும் இல்லை என்றும் அவர்கள் பதிவு செய்து வருகின்றனர்.
இந்த பேட்மேன் சவாலில் தற்போது தென்னிந்திய பிரபல நடிகை காஜல் அகர்வாலும் இணைந்துள்ளார். அவர் தனது சமூக வலைத்தள பக்கத்தில் நாப்கினை கையில் வைத்தபடி போஸ் கொடுத்து தானும் இந்த சவாலை ஏற்றுக்கொண்டதாக அறிவித்துள்ளார். ஒரே ஒரு திரைப்படம் பெண்கள் மத்தியில் இந்தளவுக்கு விழிப்புணர்வை ஏற்படுத்தியுள்ளது என்பது பெருமைக்குரிய விஷயம் என்று சமூக ஆர்வலர்கள் கூறி வருகின்றனர்.