சூர்யா நடித்த என்.ஜி.கே' திரைப்படம் இன்று உலகம் முழுவதும் வெளியாகியுள்ளது. இந்த படத்திற்கு பாசிட்டிவ் விமர்சனங்கள் வெளிவந்து கொண்டிருக்கும் நிலையில் இந்த படத்தை திரையரங்குகளில் பார்க்க வந்த ரசிகர்களுக்கு இரண்டு இன்ப அதிர்ச்சிகள் கிடைத்தது.

'என்.ஜி.கே' திரைப்படம் இன்று வெளியாகியுள்ள அனைத்து திரையரங்குகளிலும் கார்த்தி நடித்த 'கைதி' படத்தின் டீசரும், ஜோதிகா நடித்த 'ராட்சசி' பட டீசரும் திரையிடப்பட்டுள்ளது. இது சூர்யாவின் ரசிகர்களுக்கு கிடைத்த போனஸாக கருதப்படுகிறது.

படுமோசமாக இருக்கும் அரசு பள்ளி ஒன்றில் ஆசிரியையாக சேரும் ஜோதிகா, தனது அதிரடி நடவடிக்கைகள் மூலம் அந்த பள்ளியை திருத்துவதுதான் 'ராட்சசி' படத்தின் கதை என அந்த படத்தின் டீசரில் இருந்து தெரிய வந்துள்ளது. மேலும் 'ராட்சசி' படத்தின் ஃபர்ஸ்ட்லுக்கும் இன்று வெளியாகியுள்ளது என்பது குறிப்பிடத்தக்கது.

மேலும் 'என்.ஜி.கே', 'கைதி' மற்றும் 'ராட்சசி' ஆகிய மூன்று படங்களையும் ட்ரீம்வாரியர் பிக்சர்ஸ் நிறுவனம் தான் தயாரித்துள்ளது என்பது குறிப்பிடத்தக்கது.