'இந்தியன் 2' படத்தில் இணையும் 'கைதி' பட நடிகர்
- IndiaGlitz, [Tuesday,October 29 2019]
உலக நாயகன் கமல்ஹாசன் நடிப்பில், பிரம்மாண்ட இயக்குனர் ஷங்கர் இயக்கத்தில், லைகா நிறுவனத்தின் தயாரிப்பில் உருவாகி வரும் ’இந்தியன் 2’ படத்தின் படப்பிடிப்பு சமீபத்தில் ஆந்திர மாநிலம் மற்றும் சென்னையில் நடைபெற்ற நிலையில் அடுத்தகட்ட படப்பிடிப்பு விரைவில் தொடங்க உள்ளது.
இந்த நிலையில் இந்த படத்தில் சில முக்கிய நட்சத்திரங்கள் இணைந்து வருவதை பார்த்து வந்தோம். ஏற்கனவே கமல்ஹாசனுடன் சித்தார்த், ரகுல் ப்ரீத்திசிங், காஜல் அகர்வால், ப்ரியா பவானிசங்கர், விவேக், கிஷோர் ,வித்யுத் ஜம்வால், சமுத்திரகனி, நெடுமுடி வேணு, டெல்லி கணேஷ் உள்பட பலர் நடித்து வரும் நிலையில் தற்போது இந்த படத்தில் புதியதாக ஜார்ஜ் மரியான் என்பவர் இணைந்துள்ளார். இவர் கடந்த தீபாவளி அன்று வெளியான ’கைதி’ படத்தில் கான்ஸ்டபிள் நெப்போலியன் என்ற கேரக்டரில் நடித்து அனைவரின் கவனத்தையும் கவர்ந்தவர் என்பது குறிப்பிடதக்கது.
அனிருத் இசையமைப்பில், ரத்னவேலு ஒளிப்பதிவில், ஸ்ரீகர் பிரசாத் படத்தொகுப்பில் சுமார் 200 கோடி பட்ஜெட்டில் ’இந்தியன் 2’ திரைப்படம் பிரமாண்டமாக உருவாகி வருகிறது என்பது குறிப்பிடத்தக்கது.