பாலாஜி சக்திவேலின் அடுத்த பட ஹீரோவாகும் 'கடுகு' நடிகர்
- IndiaGlitz, [Thursday,June 08 2017]
விக்ரம் நடித்த 'சாமுராய்', பரத் நடித்த 'காதல்', தமன்னா நடித்த 'கல்லூரி, லிங்குசாமி தயாரித்த 'வழக்கு எண் 18/9 ஆகிய படங்களை இயக்கியவர் இயக்குனர் பாலாஜி சக்திவேல் தற்போது 'ரா ரா ராஜசேகர்' என்ற படத்தை இயக்கி முடித்துள்ளார். இந்த படம் விரைவில் வெளிவரவுள்ள நிலையில் பாலாஜி சக்திவேல், பிரபல ஒளிப்பதிவாளர், இயக்குனர் விஜய்மில்டனுடன் இணைந்து ஒரு படத்தை இயக்கி வருகிறார்.
ஆம் விஜய்மில்டனின் 'ரஃப் நோட் புரடொக்சன்ஸ் நிறுவனம் தயாரிக்கும் புதிய படத்தை பாலாஜி சக்திவேல் இயக்கி வருகிறார். இந்த படத்தை விஜய்மில்டன் தயாரிப்பது மட்டுமின்றி ஒளிப்பதிவும் செய்கிறார் என்பது குறிப்பிடத்தக்கது.
இன்னும் டைட்டில் வைக்கப்படாத இந்த படத்தின் ஹீரோவாக விஜய் மில்டனின் சகோதரர் பரத் சீனி நடிக்கவுள்ளார். இவர் ஏற்கனவே விஜய்மில்டன் இயக்கிய 'கடுகு' படத்தில் ஒரு முக்கிய கேரக்டரில் நடித்துள்ளார் என்பது குறிப்பிடத்தக்கது. இந்த படம் குறித்த விரிவான தகவல் இன்னும் ஒரிருநாட்களில் வெளிவரும் என எதிர்பார்க்கப்படும் நிலையில் சென்னையில் இந்த படத்தின் படப்பிடிப்பு விறுவிறுப்புடன் நடந்து வருகிறது.