காதலர் தினத்தில் ரிலீஸ் ஆகும் விஜய்சேதுபதி படம்
- IndiaGlitz, [Saturday,January 16 2016]
விஜய்சேதுபதியின் 'நானும் ரெளடிதான்' திரைப்படம் சூப்பர் ஹிட் ஆனதில் இருந்து அவருக்கு கோலிவுட்டில் வாய்ப்புகள் பெருகி வருகிறது. அவர் தற்போது அரைடஜன் படங்களுக்கும் மேல் நடித்து வருகிறார். அவர் நடித்து வரும் 'காதலும் கடந்து போகும், சேதுபதி மற்றும் 'தர்மதுரை' ஆகிய படங்கள் விரைவில் ரிலீஸ் ஆகும் என கூறப்படுகிறது.
இந்நிலையில் சூதுகவ்வும்' இயக்குனர் நலன்குமாரசாமி இயக்கத்தில் விஜய்சேதுபதி, மடோனா செபாஸ்டியன், சமுத்திரக்கனி உள்ளிட்ட பலர் நடித்து வரும்
'காதலும் கடந்து போகும்' திரைப்படம் வரும் பிப்ரவரி 12ஆம் தேதி ரிலீஸ் ஆகும் என தெரிகிறது. பிப்ரவரி 14ஆம் தேதி 'காதலர் தினம்' வருவதை அடுத்து பிப்ரவரி 12ஆம் தேதி இந்த படத்தை ரிலீஸ் செய்ய படக்குழுவினர் முடிவு செய்திருப்பதாக கூறப்படுகிறது.
சி.வி.குமார் தயாரித்து வரும் இந்த படத்திற்கு கபாலி, விஜய் 60 மற்றும் கொடி போன்ற பெரிய நடிகர்களின் படங்களுக்கு இசையமைத்து வரும் சந்தோஷ் நாராயணன் இசையமைத்துள்ளார். தினேஷ்கிருஷ்ணன் ஒளிப்பதிவில், லியோ ஜான்பால் படத்தொகுப்பில் இந்த படம் உருவாகி வருகிறது என்பது குறிப்பிடத்தக்கது.