ஒரு மாசத்துக்கு மேல் ஒரு பொண்ணோட அவன் இருக்க மாட்டான்: மகத் நடித்த 'காதலே காதலே' டீசர்..!
- IndiaGlitz, [Saturday,September 21 2024]
பிக் பாஸ் மகத் நடித்த காதலே காதலே என்ற படத்தின் படப்பிடிப்பு முடிவடைந்து, விரைவில் திரையரங்குகளில் வெளியாக இருக்கிறது. இந்த படத்தின் டீசர் இணையத்தில் வெளியாகி, வைரலாகி வருகிறது.
இந்த படத்தில், மகத் ஒரு பிளேபாய் கேரக்டரில் நடித்திருக்கிறார். அவர் ஒரே நேரத்தில் பல பெண்களை காதலிப்பதும், அடிக்கடி பெண் நண்பர்களை மாற்றிக் கொண்டே இருப்பதும் டீசரில் உள்ளது.
ஒரு மாசத்துக்கு மேல் ஒரு பொண்ணோட அவன் இருக்க மாட்டான் எனக் கூறப்படும் கேரக்டரில் மகத் நடித்துள்ளார். அவருடைய வாழ்க்கையில் பல பெண்கள் விளையாடுவதால் ஏற்படும் பிரச்சனைகளும், அதற்காக விடிவி கணேஷ் கூறும் அறிவுரைகளும், அதனால் ஏற்படும் விளைவுகளும் தான் இந்த படத்தின் கதை என டீசரில் வெளிப்படுகிறது.
மகத், மீனாட்சி கோவிந்தராஜன், பாரதிராஜா, விடிவி கணேஷ், ரவீனா ரவி, ராஜ் அய்யப்பா, ஸ்ரீஜா உள்ளிட்ட பலர் நடித்துள்ள இந்த படத்தை பிரேம்நாத் இயக்கியுள்ளார். விஷால் சந்திரசேகர் இசையமைக்க, சுதர்சன் கோவிந்தராஜ் ஒளிப்பதிவு செய்துள்ளார். தியாகு படத்தொகுப்பில் உருவான இந்த படம் இளைஞர்களுக்கு பிடிக்கும் வகையிலான ரொமான்ஸ் கதை அம்சம் கொண்டது என்பது குறிப்பிடத்தக்கது.