சீயான் விக்ரம் நடிப்பில் உருவாகியுள்ள 'கடாரம் கொண்டான்' என்ற அதிரடி ஆக்சன் படம் வரும் 19ஆம் தேதி வெளியாகவுள்ள நிலையில் இந்த படத்திற்கான புரமோஷன் பணிகள் முழுவீச்சில் நடைபெற்று வருகிறது.

இந்த நிலையில் இந்த படம் சென்சாரில் 'யூஏ' சான்றிதழ் பெற்றுள்ளது என்று வெளிவந்த செய்தியை ஏற்கனவே பார்த்தோம். தற்போது வெளிவந்துள்ள தகவலின்படி இந்த படத்தின் ரன்னிங் டைம் 121 நிமிடங்கள் அதாவது கிட்டத்தட்ட இரண்டு மணி நேரம் மட்டுமே உள்ளது. ஹாலிவுட் படங்களுக்கு இணையான ஆக்சன் படமான இந்த படத்தின் ரன்னிங் டைம் கரெக்டாக அமைந்திருப்பதாக கருத்துக்கள் வெளியாகி வருகிறது.

விக்ரம், அக்சராஹாசன், நாசர் மகன் அபி மெஹ்தி ஹாசன், பிக்பாஸ் புகழ் மீராமிதுன் உள்பட பலர் நடித்து வரும் இந்த படத்திற்கு ஜிப்ரான் இசையமைத்து வருகிறார். கமல்ஹாசனின் ராஜ்கமல் இண்டர்நேஷனல் நிறுவனம் தயாரித்துள்ள இந்த படத்தை 'தூங்காவனம்' படத்தை இயக்கிய ராஜேஷ் எம்.செல்வா இயக்கியுள்ளார். தூங்காவனம் மற்றும் கடாரம் கொண்டான் ஆகிய இரண்டு படங்களும் பிரெஞ்ச் படங்களின் ரீமேக் என்பது குறிப்பிடத்தக்கது.