இரண்டாவது வாரத்திலும் வசூலில் சிங்கமாக இருக்கும் 'கடைக்குட்டி சிங்கம்
- IndiaGlitz, [Monday,July 23 2018]
கார்த்தி, சாயிஷா நடிப்பில் இயக்குனர் பாண்ட்ராஜ் இயக்கிய 'கடைக்குட்டி சிங்கம்' படத்திற்கு கிட்டத்தட்ட அனைத்து ஊடகங்களும் பாசிட்டிவ் விமர்சனங்களை அளித்துள்ளன. அதேபோல் துணை ஜனாதிபதி முதல் பல விஐபிக்கள் இந்த படத்தை பாராட்டினர்.
இந்த நிலையில் முதல்வாரமே நல்ல வசூலை பெற்ற இந்த படம், இரண்டாவது வாரத்திலும் வசூலில் சிங்கமாக இருப்பதாக விநியோகிஸ்தர்கள் தெரிவித்துள்ளனர். இந்த படம் கடந்த வார இறுதி நாட்களில் சென்னையில் 21 திரையரங்குகளில் 263 காட்சிகள் திரையிடப்பட்டு ரூ.1,19,26,646 வசூலில் செய்துள்ளது. மேலும் இரண்டாவது வாரத்திலும் திரையரங்குகளில் 85% பார்வையாளர்கள் இருந்தனர் என்பதே இந்த படத்தின் வெற்றிக்கு சான்றாக உள்ளது.
மேலும் இந்த படம் கடந்த 13ஆம் தேதி முதல் நேற்று வரை ரூ.3,53,87,388 வசூல் செய்து சாதனை புரிந்து ஹிட் படம் என்ற பெருமையை பெற்றுள்ளது