விஷால், தமன்னா நடிப்பில் சுந்தர் சி இயக்கத்தில் அதிரடி ஆக்சன் திரைப்படத்தின் படப்பிடிப்பு கடந்த சில மாதங்களாக நடைபெற்று வருவது தெரிந்ததே. இன்னும் டைட்டில் வைக்கப்படாத இந்த படத்தில் முக்கிய கேரக்டரில் 'வேதாளம்' பட வில்லன் கபீர் சிங் நடித்து வருவதாகவும், தற்போது அவருடைய கேரக்டர் குறித்த தகவல்களும் வெளிவந்துள்ளது

இந்த படத்தில் கபீர்சிங் ஒரு தீவிரவாதியாக நடித்து வருவதாகவும் அவருடைய கேரக்டர் படத்தின் ஹைலைட்டாக இருக்கும் என்றும் கூறப்படுகிறது. இதுகுறித்து கபீர் சிங் பேட்டி ஒன்றில் கூறியபோது, 'இந்த படத்தின் கதையை கேட்டவுடன் எனக்கு மிகவும் பிடித்துவிட்டது. சுந்தர் சி மற்றும் விஷால் படத்தில் இணைவது எனக்கு மிகவும் மகிழ்ச்சி. எனக்கு இருவர் மீதும் எனக்கு நல்ல மரியாதை உள்ளது. அதேபோல் படப்பிடிப்பின்போது என்னையும் இருவரும் மரியாதையுடன் நடத்தினர். இந்த படத்தில் நான் ஒரு எதிரி நாட்டின் தீவிரவாதி வேடத்தில் நடித்து வருகிறேன். இந்த படத்தில் என்னுடைய கேரக்டருக்கு தயாராக தீவிரவாதிகள் கதையம்சம் கொண்ட படங்கள் சிலவற்றை நான் பார்த்து என்னைத் தயார் செய்து கொண்டேன்.

அஜர்பைஜான், ராஜஸ்தான், துருக்கி உள்பட பல இடங்களில் ஏற்கனவே இந்த படப்பிடிப்பு முடிந்துவிட்ட நிலையில் விரைவில் இந்த படத்தின் அடுத்தகட்ட படப்பிடிப்பு தொடங்கவுள்ளது.