இன்று வெளியாகும் 'கபாலி' டீசரில் என்ன ஸ்பெஷல்?
- IndiaGlitz, [Thursday,June 16 2016]
சூப்பர் ஸ்டார் ரஜினிகாந்த் நடித்துள்ள 'கபாலி' படத்தின் இரண்டாவது டீசர் இன்று இரவு 8 மணிக்கு வெளியாகும் என்பதை ஏற்கனவே பார்த்தோம். இந்நிலையில் இன்றைய டீசரில் என்னென்ன உள்ளது என்பது குறித்த தகவல் தற்போது வெளிவந்துள்ளது.
முதல் டீசரில் ரஜினி மட்டுமே பெரும்பான்மையான பகுதிகளை ஆக்கிரமித்துள்ள நிலையில் இரண்டாவது டீசரில் இந்த படத்தின் வில்லன்களான தைவான் நடிகர் சாவோ, கிஷோர் மற்றும் தன்ஷிகாவின் காட்சிகள் உள்ளதாம்.
மேலும் ப்ளாஷ்பேக் இளமை ரஜினியின் அதிரடி சண்டைக்காட்சியும், "நான் வந்துட்டேன்னு சொல்லு, 25 வருஷத்துக்கு முன்னாடி எப்படி போனானோ கபாலி, அப்படியே திரும்பி வந்துட்டேன்னு சொல்லு' என்ற ரஜினியின் பஞ்ச வசனமும், 'நெருப்புடா' பாடலின் ஒருசில வரிகளும் இடம்பெற்றுள்ளதாம்.
இன்று வெளியாகும் டீசரின் நீளம் வெறும் 35 வினாடிகள் என்றும் கிட்டத்தட்ட அரை நிமிடம் மட்டுமே உள்ள டீசரில் மேற்கண்டவை இடம்பெற்றுள்ளதாக கூறப்படுகிறது.