'கபாலி' ரிலீஸ் தேதி. கலைப்புலி எஸ்.தாணு அதிகாரபூர்வ அறிவிப்பு
- IndiaGlitz, [Tuesday,July 12 2016]
சூப்பர் ஸ்டார் ரஜினிகாந்த் நடித்த 'கபாலி' திரைப்படம் இன்று சென்சார் செய்யப்பட்டு 'யூ' சர்டிபிகேட் பெற்றது என்பதையும் இந்த படம் 152 நிமிடங்கள் ஓடவுள்ளதாகவும் வந்த அதிகாரபூர்வ செய்தியை சற்று முன்னர் பார்த்தோம்.
இந்நிலையில் இந்த படத்தின் ரிலீஸ் தேதியை தயாரிப்பாளர் கலைப்புலி எஸ்.தாணு சற்று முன்பு அதிகாரபூர்வமாக அறிவித்துள்ளார். இந்த படம் ஜூலை 22ஆம் தேதி உலகம் முழுவதும் ரிலீஸ் ஆகும் என்று அவர் தனது சமூக வலைத்தளத்தின் மூலம் உறுதி செய்துள்ளார். ரஜினி ரசிகர்கள் உள்பட ஒட்டுமொத்த தமிழ் சினிமா ரசிகர்களுக்கும் இந்த செய்தி மிகுந்த உற்சாகத்தை கொடுத்துள்ளது என்பது குறிப்பிடத்தக்கது.
ரஜினிகாந்த், ராதிகா ஆப்தே, தன்ஷிகா, கலையரசன், தினேஷ், ஜான்விஜய், கிஷோர் உள்ளிட்ட பலர் நடித்துள்ள இந்த படத்திற்கு சந்தோஷ் நாராயணன் இசையமைத்துள்ளார்.. இந்த படத்தை பா.ரஞ்சித் இயக்கியுள்ளார்.