సూప‌ర్ స్టార్ ర‌జ‌నీకాంత్ హీరోగా యువ ద‌ర్శ‌కుడు రంజిత్ తెర‌కెక్కించిన చిత్రం క‌బాలి. ఈ చిత్రంలో ర‌జ‌నీ స‌ర‌స‌న రాధికా ఆప్టే న‌టించింది. ఈ చిత్రాన్ని క‌లై ఫులి ఎస్ థాను నిర్మిస్తున్నారు. సోమవారం నుంచి చెన్నైలోని లే మ్యాజిక్‌ లాంతర్న్‌ ప్రివ్యూ థియేటర్‌లో ర‌జ‌నీకాంత్ డబ్బింగ్ చెప్తున్నారు. డైరెక్ట‌ర్ రంజీత్ పర్యవేక్షణలో స్పెషల్ ఎఫెక్ట్స్ &ఎడిటింగ్ వ‌ర్క్ స్పీడుగా జ‌రుగుతుంది.

త్వ‌ర‌లోనే పోస్ట్ ప్రొడ‌క్ష‌న్ వ‌ర్క్ పూర్తి చేయ‌నున్నారు. ఇదిలా ఉంటే... ఒక నిమిషం నిడివి గ‌ల క‌బాలి టీజ‌ర్ ను మే 1న రిలీజ్ చేయ‌నున్నారు. ఇక‌ ఆడియో ఫంక్ష‌న్ ను మ‌లేషియాలో చేయ‌డానికి ప్లాన్ చేస్తున్నారు. క‌బాలి మూవీని జూన్ 3న ప్ర‌పంచ వ్యాప్తంగా రిలీజ్ చేయ‌డానికి నిర్మాత క‌లైఫులి ఎస్ థాను ప్లాన్ చేస్తున్న‌ట్టు స‌మాచారం.