சென்னை உள்பட தமிழகத்தின் முக்கிய நகரங்களில் 'கபாலி' பிரிமியர்?
- IndiaGlitz, [Thursday,July 14 2016]
புதிய படங்களின் பிரிமியர் காட்சிகள் இதுவரை வெளிநாட்டில் மட்டுமே நடந்து வருகிறது. ஆனால் சூப்பர் ஸ்டாரின் ரஜினிகாந்த் படம் என்றாலே ஏதாவது ஒரு சாதனையை உடைக்க வேண்டும் அல்லது ஒரு புதிய சாதனனய ஏற்படுத்த வேண்டும் என்ற விதி இருக்கையில் பிரிமியர் காட்சியில் மட்டும் மாற்றம் இல்லாமல் இருக்குமா? ஆம் 'கபாலி' படத்தின் பிரிமியர் காட்சிகள் தமிழகத்திலும் திரையிடவுள்ளதாக கூறப்படுகிறது.
ஜூலை 22ஆம் தேதி 'கபாலி' ரிலீஸ் ஆகவுள்ள சென்னை உள்பட தமிழகத்தின் முக்கிய நகரங்களில் ஜூலை 21ஆம் தேதி மாலையில் 'கபாலி' பிரிமியர் காட்சி திரையிட திட்டமிடப்பட்டுள்ளது. இதுகுறித்த அறிவிப்பு மிக விரைவில் வெளியாகும் என தெரிகிறது.
ஏற்கனவே நடுநிசிக்காட்சி, அதிகாலை ஆகிய ரசிகர்கள் காட்சியும் வழக்கம்போல நடைபெறும் என்று எதிர்பார்க்கப்படுகையில் தற்போது பிரிமியர் காட்சிகளும் எதிர்பார்க்கப்படுவதால் ரசிகர்கள் தங்கள் உற்சாகத்துடன் உள்ளனர்.