'கபாலி' படத்தின் ரன்னிங் டைம் இதுவா?
- IndiaGlitz, [Saturday,May 21 2016]
சூப்பர் ஸ்டார் ரஜினிகாந்த் நடித்த 'கபாலி' திரைப்படத்தின் டீசர் சமீபத்தில் வெளியாகி உலக சாதனையை ஏற்படுத்திய நிலையில் இந்த படத்தின் ரிலீஸ் தேதியை உலகெங்கிலும் உள்ள ரஜினி ரசிகர்கள் மிகுந்த ஆர்வத்துடன் எதிர்பார்த்து காத்திருக்கின்றனர்.
இந்த படம் வரும் ஜூலை 1ஆம் தேதி வெளியாகும் என்று ஏற்கனவே செய்திகள் கூறப்பட்ட நிலையில் தற்போது இந்த படத்தின் ரன்னிங் டைம் குறித்த தகவல் அதிகாரபூர்வமற்ற முறையில் வெளியாகியுள்ளது.
இந்த படம் 157 நிமிடங்கள் அதாவது 2 மணி நேரம் 37 நிமிடங்கள் ஓடுவதாக கூறப்படுகிறது. மேலும் இன்று இரவு 8 மணிக்கு 'கபாலி' படத்தின் முக்கிய தகவல் வெளியாகவுள்ளதாகவும் கூறப்படுகிறது.
ரஜினிகாந்த், ராதிகா ஆப்தே, தன்ஷிகா, கலையரசன், தினேஷ், ஜான்விஜய் உள்பட பலர் நடித்துள்ள 'கபாலி' படத்திற்கு சந்தோஷ் நாராயணன் இசையமைத்துள்ளார். கலைப்புலி எஸ்.தாணு இந்த படத்தை பிரமாண்டமாக தயாரித்துள்ளார்.