'கபாலி': அமெரிக்க பிரிமியர் காட்சியில் ரஜினிக்கு ஆரவார வரவேற்பு
- IndiaGlitz, [Thursday,July 21 2016]
சூப்பர் ஸ்டார் ரஜினிகாந்த் நடித்த 'கபாலி' திரைப்படம் நாளை உலகம் முழுவதும் பிரமாண்டமாக ரிலீஸ் ஆகவுள்ள நிலையில் சற்று முன்னர் இந்த படத்தின் பிரிமியர் ஸ்பெஷல் காட்சி அமெரிக்காவில் திரையிடப்பட்டது. இந்த காட்சியை பார்க்க ரஜினிகாந்த் மற்றும் ஐஸ்வர்யா தனுஷ் ஆகியோர் வந்திருந்தனர்.
ரசிகர்களின் ஆரவாரங்களுக்கு இடையே 'கபாலி' படத்தை ரஜினிகாந்த் ரசித்து பார்த்ததாக தகவல்கள் வெளிவந்துள்ளன. படம் பார்த்த முடித்தவுடன் இயக்குனர் ரஞ்சித்துக்கு ரஜினிகாந்த் எஸ்.எம்.எஸ் அனுப்பியுள்ளார்.
இதுகுறித்து ரஞ்சித் தனது சமூக வலைத்தளத்தில் 'ரஜினிகாந்த் அனுப்பிய எஸ்.எம்.எஸ்-ல் 'நிறைய முத்தங்களுடன் மகிழ்ச்சி' என்று குறிப்பிடப்பட்டிருந்ததாக பதிவு செய்துள்ளார். முன்னதாக திரையரங்கில் ரஜினிகாந்த் நுழைந்தவுடன் ரசிகர்கள் எழுந்து நின்று கைதட்டி அவரை வரவேற்றனர் என்பது குறிப்பிடத்தக்கது.