இன்று மாலை 5 மணிக்கு மேலும் ஒரு 'கபாலி' டீசர்
- IndiaGlitz, [Friday,June 17 2016]
சூப்பர் ஸ்டார் ரஜினிகாந்த் நடித்த 'கபாலி' படத்தின் முதல் டீசர் கடந்த மே மாதம் 1ஆம் வெளியாகி பல உலக சாதனைகளை நிகழ்த்திய நிலையில் நேற்று வெளியான இரண்டாவது டீசரும் இணையதளங்களை அதிர வைத்து கொண்டிருக்கின்றது.
இந்த 2வது டீசர் வெளியான ஒருசில மணி நேரங்களில் ஒரு மில்லியன் பார்வையாளர்களை பெற்றுவிட்டது. இந்த டீசரும் நிச்சயம் உலக சாதனை நிகழ்த்தும் என எதிர்பார்க்கப்படுகிறது.
இந்நிலையில் இந்த படம் தமிழ், தெலுங்கு மற்றும் இந்தி ஆகிய மூன்று மொழிகளில் வெளியாகவுள்ளது என்பது தெரிந்ததே. இந்த படத்தின் இந்தி டீசர் இன்று மாலை 5 மணிக்கு வெளியாகவுள்ளதாக தற்போது அறிவிக்கப்பட்டது. எனவே வடநாட்டு ரஜினி ரசிகர்களே இன்று மாலை ஐந்து மணிக்கு உங்கள் கம்ப்யூட்டர் முன் தயாராக காத்திருங்கள்