'கபாலி' இயக்குனரின் அடுத்த ஆசை இதுதான்
- IndiaGlitz, [Wednesday,July 13 2016]
இன்று உலகமே ஜூலை 22ஆம் தேதியை எதிர்பார்த்து கொண்டிருக்கின்ற ஒரு விஷயம் என்னவெனில் அது கபாலி' ரிலீஸ் தினம் என்பதால். இந்த படம் இந்த அளவுக்கு உலக அளவில் பிரபலமாக ஒரே காரணம் சூப்பர் ஸ்டார் ரஜினிகாந்த் என்பதில் எவ்வித மாற்றுக்கருத்தும் இல்லை. ஆனால் அந்த சூப்பர் ஸ்டாரையே இயக்கிய ரஞ்சித்துக்கும் இந்த பெருமையில் பங்கு உண்டு என்பதை மறுக்க முடியாது.
கோலிவுட்டில் இயக்குனராகும் ஒவ்வொருவருக்கும் ரஜினியை இயக்க வேண்டும் என்பது ஒரு ஆயுட்கால இருந்து வரும் நிலையில் ரஞ்சித்துக்கு அந்த வாய்ப்பு மூன்றாவது படத்திலேயே கிடைத்துவிட்டது.
இந்நிலையில் ரஞ்சித்தின் அடுத்த ஆசை என்ன தெரியுமா? தயாரிப்பாளராக மாற வேண்டும் என்பதுதானாம். ஒவ்வொருவருக்கும் தயாரிப்பாளராக வேண்டும் என்ற ஆசை மனதில் இருக்கும். எனக்கும் அதுபோன்ற ஆசை உள்ளது. இதுகுறித்த அதிகாரபூர்வ அறிவிப்பை விரைவில் வெளியிடுவேன்' என்று ரஞ்சித் கூறியுள்ளார். ரஞ்சித்தின் இந்த ஆசையும் விரைவில் நிறைவேறும் என்று நம்புவோம்.