సూపర్ స్టార్ రజనీకాంత్ హీరోగా కలైపులి థామస్ సమర్పణలో వి క్రియేషన్స్ బ్యానర్ పై పా రంజిత్ దర్శకత్వంలో రూపొందుతోన్న చిత్రం కబాలి`. రాధికా అప్టే రజనీ సరసన నటిస్తుంది. ధన్సిక కీలక పాత్రలో నటిస్తుంది. రజనీకాంత్ గ్యాంగ్ స్టర్ గా నటించారు. ఈ సినిమాకు సంబంధించిన రెండు టీజ‌ర్స్ కు ఆడియెన్స్ నుండి ట్రెమండెస్ రెస్పాన్స్ వ‌స్తుంది.

ఈ చిత్రం జూలై 15న వ‌ర‌ల్డ్‌ వైడ్‌గా విడుద‌ల కానుంద‌ని వార్త‌లు విన‌ప‌డుతున్నాయి. రీసెంట్‌గా త‌మిళంలో ప‌రిమిత సంఖ్య‌లో హాజ‌రైన అభిమానులు, అతిథులు మ‌ధ్య ర‌జ‌నీ త‌న‌య ఐశ‌ర్య ధ‌నుష్ ఆడియో విడుద‌ల చేశారు. త‌మిళ సాంగ్స్ కు చాలా మంచి రెస్పాన్స్ వ‌స్తుంది. ఈచిత్రాన్ని తెలుగులో ప్ర‌వీణ్ చౌద‌రి ష‌ణ్ముక ఫిలింస్ బ్యాన‌ర్‌పై విడుద‌ల చేస్తున్నారు. తెలుగులో ఈ సినిమా పాట‌ల‌ను జూన్ 25న‌, లేదా 26న విడుద‌ల చేయాల‌ని నిర్మాత‌లు భావిస్తున్నార‌ట‌. ఈ కార్య‌క్ర‌మానికి త‌మిళ‌యూనిట్ స‌హా తెలుగు ప‌లువురు సినీ ప్ర‌ముఖులు హాజ‌ర‌వుతార‌ని స‌మాచారం.