ரஜினியின் 'கபாலி'யுடன் இணைந்தது விஜய்யின் 'தெறி'
- IndiaGlitz, [Monday,March 21 2016]
சூப்பர் ஸ்டார் ரஜினிகாந்த் நடிப்பில் 'அட்டக்கத்தி' இயக்குனர் பா.ரஞ்சித் இயக்கிய 'கபாலி' திரைப்படத்தின் படப்பிடிப்புகள் முடிந்து போஸ்ட் புரடொக்ஷன்ஸ் பணிகளும் இறுதிக்கட்டத்தை நெருங்கியுள்ளது. இந்த படத்தின் வியாபாரம் ஏற்கனவே ஆரம்பித்துள்ள நிலையில் தற்போது அமெரிக்க ரிலீஸ் உரிமையை சினி கேலக்ஸி என்ற நிறுவனம் பெற்றுள்ளதாக வந்த செய்தியை ஏற்கனவே பார்த்தோம்.
இந்நிலையில் இதே நிறுவனம் விஜய்யின் 'தெறி' படத்தின் அமெரிக்க ரிலீஸ் உரிமையையும் பெற்றுள்ளதாக சற்று முன்னர் தகவல்கள் வெளிவந்துள்ளது. இந்த தகவலை சினி கேலக்ஸி நிறுவனம் தனது சமூக வலைத்தளத்தில் உறுதி செய்துள்ளது. 'கபாலி', 'தெறி' மட்டுமின்றி சூர்யாவின் '24' படத்தின் அமெரிக்க ரிலீஸ் உரிமையையும் இதே நிறுவனம்தான் பெற்றுள்ளது என்பது குறிப்பிடத்தக்கது.
ரஜினிகாந்த், ராதிகா ஆப்தே, தன்ஷிகா, கலையரசன், தினேஷ், ஜான் விஜய், உள்பட பலர் நடித்துள்ள இந்த படத்திற்கு சந்தோஷ் நாராயணன் இசையமைத்துள்ளார். கலைப்புலி தாணு தயாரித்துள்ள இந்த படம் வரும் மே மாதம் தேர்தலுக்கு பின்னர் ரிலீஸ் ஆகும் என எதிர்பார்க்கப்படுகிறது.