விஜய் சேதுபதி நடித்து வரும் அடுத்த திரைப்படத்தில் ரஜினியின் ‘கபாலி’ திரைப்படத்தில் நடித்த நடிகை கௌரவத் தோற்றத்தில் நடிக்க இருப்பதாக தகவல் வெளியாகி உள்ளன.

தமிழ் திரையுலகின் முன்னணி நடிகர்களில் ஒருவர் விஜய் சேதுபதி தற்போது ’மெர்ரி கிறிஸ்துமஸ்’ ’ஜவான்’ மற்றும் ’காந்தி டாக்ஸ்’ ஆகிய படங்களில் நடித்து வருகிறார். அதுமட்டுமின்றி ஆறுமுக குமார் இயக்கத்தில் உருவாகி வரும் டைட்டில் வைக்கப்படாத படத்தில் நடித்து வருகிறார் என்பதும் இந்த படத்தின் படப்பிடிப்பு தற்போது மலேசியாவில் நடைபெற்று வருகிறது என்பதும் குறிப்பிடத்தக்கது.

இந்த நிலையில் விஜய் சேதுபதி நடித்து வரும் படங்களில் ஒன்றான ’மெர்ரி கிறிஸ்துமஸ்’ படத்தின் படப்பிடிப்பு இறுதி கட்டத்தில் உள்ளது. ஸ்ரீராம் ராகவன் இயக்கத்தில் உருவாகி வரும் இந்த படத்தில் விஜய் சேதுபதி ஜோடியாக கத்ரீனா கைஃப் நடித்து வருகிறார். மேலும் ராதிகா சரத்குமார், சஞ்சய் கபூர், டினு ஆனந்த் உள்பட பலர் நடித்து வருகின்றனர்.

இந்த நிலையில் இந்த படத்தில் கவுரவ வேடத்தில் ராதிகா ஆப்தே நடித்து வருவதாகவும் அவரது கேரக்டர் சஸ்பென்ஸ் ஆக வைக்கப்பட்டு இருப்பதாகவும் கூறப்படுகிறது. பா ரஞ்சித் இயக்கத்தில் ரஜினிகாந்த் நடிப்பில் உருவான ‘கபாலி’ படத்தில் ராதிகா ஆப்தே நாயகி நடித்திருந்தார் என்பது குறிப்பிடத்தக்கது.