பிக்பாஸ் புகழ் ஓவியாவின் அடுத்த படம் இயக்குனர் டிகே இயக்கவுள்ள 'காட்டேரி' என்ற படம் என்பதையும் சமீபத்தில் இதுகுறித்த அறிவிப்பு வெளியானது என்ற செய்தியையும் ஏற்கனவே பார்த்தோம்

இந்த நிலையில் இந்த படத்தில் ஓவியாவையும் சேர்த்து மொத்தம் நான்கு ஹீரோயின்கள் நடிக்கவுள்ளதாகவும், மேலும் மூன்று ஹீரோயின்களின் தேர்வு நடைபெற்று வருவதாகவும் இயக்குனர் டிகே கூறியுள்ளார்.

மேலும் 'காட்டேரி' படம் முழுக்க முழுக்க த்ரில் மற்றும் பேய்ப்படம் இல்லை என்றும், நம் வீடுகளில் கேட்ட பாட்டி கதைகளில் எப்படி த்ரில், சுவாரஸ்யம், செண்டிமெண்ட், அன்பு என அனைத்தும் கலந்து இருக்குமோ, அதைப்போல் இந்த படத்தில் அனைத்து அம்சங்களும் இருக்கும் என்று கூறினார்

மேலும் இந்த படம் நிகழ்காலம் மற்றும் 1960ஆம் ஆண்டு என இரண்டு காலகட்டங்களில் நடைபெறும் கதை என்றும், இந்த படத்தின் கதைக்கு சாய்குமாரின் மகன் ஆதி மிகப்பொருத்தமாக இருப்பார் என்று கருதியதால் அவர் ஒப்பந்தம் செய்யப்பட்டதாகவும் கூறினார். டிகே இயக்கிய 'யாமிருக்க பயமே' படத்தின் தெலுங்கு ரீமேக்கில் ஆதி நடித்திருந்தார் என்பது குறிப்பிடத்தக்கது.