மணிரத்னம் இயக்கத்தில் கார்த்தி நடிப்பில் ஏ.ஆர்.ரஹ்மான் இசையில் பிரமாண்டமாக கடந்த வெள்ளியன்று வெளியான திரைப்படம் 'காற்று வெளியிடை.

இந்த திரைப்படம் ஊடகங்கள் மற்றும் சமூக வலைத்தள பயனாளிகளால் கலவையான விமர்சனங்களை பெற்றபோதிலும் சென்னையில் இந்த படம் 20 திரையரங்க வளாகங்களில் 368 காட்சிகள் திரையிடப்பட்டு ரூ.1,54,53,650 வசூல் செய்துள்ளது. மேலும் திரையரங்குகளில் கடந்த வார இறுதி நாட்களில் 95% பார்வையாளர்களை இந்த படம் பெற்றுள்ளது.

முதல் வார இறுதியிலேயே ரூ.1.5 கோடி வசூலாகியிருப்பதே மிகப்பெரிய வெற்றியாக கருதப்படுகிறது. இந்த பெருமையின் பெரும்பான்மையான பங்கு இயக்குனர் மணிரத்னம் அவர்களுக்கே சேரும் என்பது குறிப்பிடத்தக்கது. இருப்பினும் இந்த படத்தின் உண்மையான வெற்றி இன்றுமுதல் திரையரங்குகளில் கூடும் பார்வையாளர்களை பொறுத்தே தெரியும் என்பதால் இதுகுறித்து வரும் நாட்களில் பார்ப்போம்.