ஜோதிகாவின் 'காற்றின் மொழி' ஃபர்ஸ்ட்லுக் ரிலீஸ் தேதி அறிவிப்பு
- IndiaGlitz, [Tuesday,August 14 2018]
இயக்குனர் ராதாமோகன் இயக்கத்தில் நடிகை ஜோதிகா முக்கிய வேடத்தில் நடித்த 'காற்றின் மொழி' திரைப்படத்தின் படப்பிடிப்பு கடந்த சில நாட்களுக்கு முன்னர் முடிவடைந்த நிலையில் இந்த படத்தின் போஸ்ட் புரடொக்சன்ஸ் பணிகள் தற்போது விறுவிறுப்பாக நடைபெற்று வருகிறது.
இந்த நிலையில் இந்த படத்தின் ஃபர்ஸ்ட்லுக் ரிலீஸ் தேதி தற்போது அறிவிக்கப்பட்டுள்ளது. இந்த படத்தின் ஃபர்ஸ்ட்லுக் நாளை சுதந்திர தினத்தில் காலை 6 மணிக்கு வெளியாகும் என்றும், இந்த ஃபர்ஸ்ட்லுக்கை நடிகர் சூர்யா வெளியிடுவார் என்றும் அறிவிக்கப்பட்டுள்ளது
துமாரி சூளு' என்ற பாலிவுட் திரைப்படத்தின் தமிழ் ரீமேக் படமான 'காற்றின் மொழி' படத்தில் வித்யாபாலன் நடித்த கேரக்டரில் ஜோதிகா நடித்துள்ளார். அவருடன் லட்சுமி மஞ்சு, விதார்த் உள்பட பலர் நடித்துள்ளனர். மேலும் இந்த படத்தில் சிம்பு சிறப்பு தோற்றத்தில் நடித்துள்ளார் என்பதும் குறிப்பிடத்தக்கது. இந்த படம் வரும் அக்டோபர் மாதம் வெளியாகும் என்று எதிர்பார்க்கப்படுகிறது.