விஜய்சேதுபதி, நயன்தாரா, சமந்தா நடித்த ’காத்துவாக்குல ரெண்டு காதல்’ என்ற திரைப்படம் இன்று வெளியாகி நல்ல வரவேற்பை பெற்றுள்ளது. விக்னேஷ் சிவனின் திரைக்கதை அனிருத்தின் இசை ஆகியவை இந்த படத்தின் மிகப்பெரிய பலம் என்றும் படம் முழுவதும் ஜாலியாகவும் ரொமான்ஸ் காட்சிகள் இருப்பதாகவும் படம் பார்த்தவர்கள் கருத்து தெரிவித்துள்ளனர் .

இந்த படம் திரையரங்குகளில் வெளியாகி நல்ல வரவேற்பை பெற்றுள்ள நிலையில் இந்த படத்தின் டிஜிட்டல் மற்றும் சாட்டிலைட் உரிமை குறித்த தகவல் தற்போது வெளிவந்துள்ளது.

’காத்துவாக்குல ரெண்டு காதல்’ திரைப்படத்தில் டிஜிட்டல் உரிமையை டிஸ்னி பிளஸ் ஹாட்ஸ்டார் மற்றும் சாட்டிலைட் உரிமையை விஜய் டிவியும் பெற்றுள்ளதாக தகவல் வெளியாகியுள்ளது. மிகப்பெரிய தொகைக்கு இந்த படத்தின் டிஜிட்டல் மற்றும் சாட்டிலைட் உரிமை விற்பனை ஆகியிருப்பதாக கூறப்படுகிறது.