கார்த்தியின் 'காஷ்மோரா'வை கைப்பற்றிய பிரபல நிறுவனம்
- IndiaGlitz, [Thursday,August 18 2016]
கார்த்தியின் 'காஷ்மோரா' படத்தின் ஃபர்ஸ்ட்லுக் இன்று அதிகாலை 12 மணிக்கு வெளியாகி இணையதளங்களில் பெரும் பரபரப்பை ஏற்படுத்தியுள்ளது. இதுவரை ரொமாண்டிக் லுக்கில் நடித்து வந்த கார்த்தி முதன்முறையாக பீரியட் படத்தில் நடித்துள்ளதால் இந்த பர்ஸ்ட்லுக் பெரும் வரவேற்பை பெற்றுள்ளது. மேலும் ஃபர்ஸ்ட்லுக்கால் இந்த படத்தின் எதிர்பார்ப்பும் பலமடங்கு எகிறியுள்ளது.
இந்நிலையில் இந்த படத்தின் வியாபாரமும் வெற்றிகரமாக தொடங்கியுள்ளது. இந்த படத்தின் தமிழக ரிலீஸ் உரிமையை பிரபல தயாரிப்பு நிறுவனமான ஸ்ரீதேனாண்டாள் பிலிம்ஸ் பெற்றுள்ளதாக செய்திகள் வெளியாகியுள்ளது. மிகச்சிறந்த முறையில் விளம்பரம் செய்து ஒரு படத்தை பொதுமக்களிடம் சிறப்பான முறையில் கொண்டு போய் சேர்க்கும் அனுபவமுள்ள நிறுவனத்திடம் இந்த படத்தின் ரிலீஸ் சென்றுள்ளதால் இந்த படத்தின் வெற்றி இப்போதே உறுதி செய்யப்பட்டுள்ளதாக கூறப்படுகிறது.
கார்த்தி, நயன்தாரா, ஸ்ரீதிவ்யா, மனிஷா யாதவ், விவேக், சித்தார்த் விபின், மதுமிதா உள்ளிட்ட பலர் நடித்துள்ள இந்த படத்தை கோகுல் இயக்கியுள்ளார். சந்தோஷ் நாராயணன் இசையில் ஓம்பிரகாஷ் ஒளிப்பதிவில் சாபு ஜோசப் படத்தொகுப்பில் உருவாகியுள்ள இந்த படத்தை ட்ரீம் வாரியர் பிக்சர்ஸ் எஸ்.ஆர்.பிரபு தயாரித்துள்ளார். இந்த படம் வரும் தீபாவளி திருநாளில் பிரமாண்டமாக உலகம் முழுவதும் ரிலீஸ் ஆகவுள்ளது.