சூப்பர் ஸ்டார் ரஜினிகாந்த் நடித்த '2.0' திரைப்படம் ஜனவரியில் இருந்து ஏப்ரல் மாதத்திற்கு தள்ளிப்போக வாய்ப்பு இருப்பதாக கடந்த சில தினங்களாக செய்திகள் வெளிவந்த நிலையில் இந்த செய்தியில் உண்மையில்லை என்றும், '2.0' திரைப்படம் ஜனவரி 25ல் உறுதியாக வெளிவரும் என்றும் படக்குழுவினர் தெரிவித்ததை சற்றுமுன்னர் பார்த்தோம்

இந்த நிலையில் '2.0' திரைப்படத்தின் ரிலீஸ் தேதி தள்ளிப்போனால் ரஜினியின் இன்னொரு படமான 'காலா' திரைப்படம் பொங்கல் திருநாளில் வெளியாகும் என்றும் செய்திகள் வெளிவந்தன.

ஆனால் இந்த செய்தியை 'காலா' படத்தை தயாரித்து வரும் தனுஷின் 'வொண்டர்பார் பிலிம்ஸ் நிறுவனம் மறுத்துள்ளது. ஜனவரி அல்லது பொங்கல் தினத்தில் வெளியாகும் வகையில் 'காலா' திரைப்படம் தயாராக வாய்ப்பு இல்லை என்றும், இதுகுறித்து வெளிவரும் செய்திகள் அனைத்தும் வதந்தியே என்று விளக்கம் அளிக்கப்பட்டுள்ளது.