சூப்பர் ஸ்டார் ரஜினிகாந்த் நடித்த 'காலா' திரைப்பட வரும் ஜூன் 7ஆம் தேதி ரிலீஸ் செய்ய அனைத்து ஏற்பாடுகளும் தயாராகவுள்ளது. தமிழ்,தெலுங்கு, இந்தி ஆகிய மொழிகளில் உலகம் முழுவதும் பிரமாண்டமாக பெருவாரியான திரையரங்குகளில் இந்த படம் வெளியாகவுள்ளது.

இந்த நிலையில் இந்த படத்தின் டீசர் சமீபத்தில் வெளியாகி இணையதளங்களை பரபரப்பாக்கிய நிலையில் தற்போது இந்த படத்தின் டிரைலர் ரிலீஸ் தேதி குறித்த அறிவிப்பு வெளிவந்துள்ளது. 'காலா' படத்தின் டிரைலர் இன்று இரவு 7 மணிக்கு வெளியாகவுள்ளதாக இந்த படத்தின் தயாரிப்பாளர் தனுஷ் தனது சமூக வலைத்தளத்தில் அறிவித்துள்ளார். இந்த அறிவிப்பு ரஜினி ரசிகர்களுக்கு பெரும் உற்சாகத்தை தந்துள்ளது.

ரஜினிகாந்த், ஈஸ்வரிராவ், ஹூமாகுரேஷி, நானா படேகர், சமுத்திரக்கனி, அஞ்சலி பட்டேல், சுகன்யா, உள்பட பலர் நடித்துள்ள இந்த படத்தை தனுஷின் வொண்டர்பார் நிறுவனம் தயாரித்துள்ளது. சந்தோஷ் நாராயணன் இசையில், முரளி ஒளிப்பதிவில் ஸ்ரீகர் பிரசாத் படத்தொகுப்பில் இந்த படம் உருவாகியுள்ளது என்பது குறிப்பிடத்தக்கது.