'காலா' நான்கு நாட்கள் தமிழக வசூல் குறித்த தகவல்
- IndiaGlitz, [Monday,June 11 2018]
சூப்பர் ஸ்டார் ரஜினிகாந்த் நடித்த 'காலா' திரைப்படம் கடந்த 7ஆம் தேதி உலகம் முழுவதும் பிரமாண்டமாக வெளியாகியது. இந்த படம் ஒருபக்கம் ரஜினி படமா? என்றும் இன்னொரு பக்கம் ரஞ்சித் படமா? என்றும் விவாதம் நடந்து வரும் நிலையில் வசூலை பொருத்தவரை இது ரஜினி படம் என்பது உறுதி செய்யப்பட்டுள்ளது.
இந்த படம் கடந்த நான்கு நாட்களில் சென்னையில் மட்டும் ரூ.6 கோடிக்கும் மேல் வசூல் செய்துள்ளது என்பதை சற்றுமுன் பார்த்தோம். இந்த நிலையில் இந்த படம் அதே நான்கு நாட்களில் தமிழகத்தில் ரூ.43 கோடி வசூல் செய்துள்ளது.
சென்னையில் ரூ.6.64 கோடியும், செங்கல்பட்டில் ரூ.10.8 கோடியும், கோவையில் ரூ.7.2 கோடியும், நெல்லை குமரியில் ரூ.1.95 கோடியும், திருச்சி-தஞ்சையில் ரூ.3.7 கோடியும் வசூல் செய்துள்ளது. மேலும் வெளிமாநிலங்கள் மற்றும் வெளிநாடுகளின் வசூலை சேர்த்தால் இந்த படம் ரூ.100 கோடி வசூலை நெருங்கியிருக்கும் என்று எதிர்பார்க்கப்படுகிறது.