'காலா' படக்குழுவினர்களின் முடிவில் திடீர் மாற்றம்
- IndiaGlitz, [Sunday,April 08 2018]
சூப்பர் ஸ்டார் ரஜினிகாந்த் நடிப்பில் இயக்குனர் பா.ரஞ்சித் இயக்கிய 'காலா' திரைப்படம் சமீபத்தில் சென்சாரில் 'யூஏ' சான்றிதழ் பெற்றது என்பதை பார்த்தோம். இருப்பினும் இந்த படத்தில் உள்ள 14 முக்கிய காட்சிகளை சென்சார் அதிகாரிகள் கட் செய்ததால் இயக்குனர் ரஞ்சித் உள்பட படக்குழுவினர் அதிருப்தியில் இருந்தனர். மேலும் ரஜினி படத்திற்கு 'யூ' சான்றிதழ் கிடைத்தால் குடும்ப ஆடியன்ஸ்கள் அதிகம் தியேட்டருக்கு வர வாய்ப்புள்ளது என்ற கருத்தும் படக்குழுவினர்களிடையே இருந்து வருகிறது.
இந்த நிலையில் 'காலா' படத்தை மறு சென்சாருக்கு அனுப்ப அதாவது ரிவைசிங் கமிட்டிக்கு அனுப்ப படக்குழுவினர் முடிவு செய்துள்ளதாக கூறப்படுகிறது. ரிவைசிங் கமிட்டியில் இந்த படத்திற்கு 'யூ' சான்றிதழ் கிடைக்கும் என படக்குழுவினர் நம்பிக்கை தெரிவித்துள்ளனர்.
தனுஷின் வொண்டர்பார் பிலிம்ஸ் நிறுவனம் தயாரித்துள்ள இந்த படத்தில் ரஜினிகாந்த், நானாபடேகர், சமுத்திரக்கனி, ஈஸ்வரி ராவ், அஞ்சலி பட்டேல் ஹீமா குரேஷி உள்பட பலர் நடித்துள்ளனர். சந்தோஷ் நாராயணன் இசையமைத்துள்ள இந்த படம் கோலிவுட் ஸ்டிரைக் முடிவுக்கு வந்தால் வரும் 27ஆம் தேதி வெளியாகும் என எதிர்பார்க்கப்படுகிறது.