சூப்பர்  ஸ்டார் ரஜினிகாந்த் நடித்த 'காலா' திரைப்படம் வரும் ஜூன் மாதம் 7ஆம் தேதி வெளியாகவுள்ளது என்று அதிகாரபூர்வமாக ஏற்கனவே அறிவிக்கப்பட்டுள்ளது என்பது தெரிந்ததே. 

இந்த நிலையில் இந்த படத்தின் புரமோஷன்கள் விரைவில் தொடங்கவுள்ளதாகவும், இந்த படத்தின் டிரைலர் ரிலீஸ் தேதியும் விரைவில் அறிவிக்கப்படவுள்ளதாகவும் கூறப்படுகிறது

இந்த நிலையில் சற்றுமுன்னர்  'காலா' படத்தின் தயாரிப்பாளர் தனுஷ் தனது சமூக வலைத்தளத்தில் ஒரு முக்கிய அறிவிப்பை வெளியிட்டுள்ளார். அதன்படி 'காலா' படத்தின் அனைத்து மொழிகளுக்கும் அதிகாரபூர்வமான சாட்டிலைட் பார்ட்னர் ஸ்டார் நெட்வொர்க் என்று அறிவித்துள்ளார்.

ரஜினிகாந்த், ஈஸ்வரிராவ், ஹூமாகுரேஷி, நானா படேகர், சமுத்திரக்கனி உள்பட பலர் நடித்துள்ள இந்த படத்தை பா.ரஞ்சித் இயக்கியுள்ளார். சந்தோஷ் நாராயணன் இசையமைத்துள்ள இந்த படம் இந்த ஆண்டின் பெரும் எதிர்பார்ப்பிற்குரிய திரைப்படங்களில் ஒன்று என்பது குறிப்பிடத்தக்கது.