இறுதிக்கட்ட படப்பிடிப்பில் ரஜினியின் 'காலா': அடுத்தது அரசியல் களமா?
- IndiaGlitz, [Saturday,September 16 2017]
சூப்பர் ஸ்டார் ரஜினிகாந்த் நடித்து வரும் 'காலா' படத்தின் படப்பிடிப்பு இடையில் சில நாட்கள் ஃபெப்சி வேலைநிறுத்தம் காரணமாக நிறுத்தப்பட்டிருந்த நிலையில் தற்போது மீண்டும் அடுத்தகட்ட படப்பிடிப்பு தொடங்கவுள்ளது.
இந்த படப்பிடிப்பு 35 முதல் 40 நாட்கள் நடைபெறவுள்ளதாகவும், இந்த படப்பிடிப்புடன் இந்த படத்தின் படப்பிடிப்பு நிறைவு பெறும் என்று படக்குழுவினர்களிடம் இருந்து தகவல்கள் வெளிவந்துள்ளது. இந்த படத்தின் படப்பிடிப்பு முடிந்தவுடன் ரஜினிகாந்த் இரண்டாம் கட்டமாக ரசிகர்களை சந்திப்பார் என்று எதிர்பார்க்கப்படுகிறது. அதனையடுத்து அவர் அடுத்த படம் குறித்த அறிவிப்பை வெளியிடுவாரா? அல்லது அரசியல் களத்தில் இறங்கவுள்ளரா? என்பதை பொறுத்திருந்துதான் பார்க்க வேண்டும்
தனுஷின் வொண்டர்பார் பிலிம்ஸ் நிறுவனம் தயாரித்து வரும் இந்த படத்தில் ரஜினிகாந்த், ஹுமா குரேஷி, ஈஸ்வரிராவ், நானா படேகர், அஞ்சலி பாட்டீல், சமுத்திரக்கனி உள்பட பலர் நடித்து வருகின்றனர். சந்தோஷ் நாராயணன் இந்த படத்திற்கு இசையமைத்து வருகிறார்.