சூப்பர் ஸ்டார் ரஜினிகாந்த் இன்று இரண்டாவது நாளாக சென்னையில் ரசிகர்களை சந்தித்து புகைப்படம் எடுத்து கொண்டிருக்கின்றார். இந்த நிலையில் அவர் நடித்த 'காலா' திரைப்படத்தின் படப்பிடிப்பு ஏற்கனவே முடிந்துவிட்ட நிலையில் இன்று முதல் இந்த படத்தின் டப்பிங் பணிகள் தொடங்குகின்றன

 KNACK ஸ்டூடியோவில் நடைபெறும் டப்பிங் பணிக்கான பூஜை இன்று நடைபெற்றது. இந்த பூஜையில் இயக்குனர் பா.ரஞ்சித் உள்பட படக்குழுவினர் கலந்து கொண்டனர். தனுஷ் தயாரிக்கும் இந்த படம் வரும் 2018ஆம் ஆண்டு வெளிவரவுள்ளது. 

சூப்பர் ஸ்டார் ரஜினிகாந்த், நானா படேகர்,  சமுத்திரக்கனி, சம்பத், ரவி கேளா, சாயாஜி ஷிண்டே, பங்கஜ் த்ரிபாதி, மிகி மகிஜா, மேஜர் பிக்ரம்ஜித், அருள்தாஸ், சுதன்ஷூ பாண்டே,  அரவிந்த் ஆகாஷ், 'வத்திகுச்சி' திலீபன், ரமேஷ் திலக், மணிகண்டன், ஹுமா குரேஷி, அஞ்சலி பட்டேல், ஈஸ்வரிராவ், அருந்ததி, சாக்ஷி அகர்வால், நிதிஷ், வேலு, ஜெயபெருமாள், கருப்பு நம்பியார், யதின் கார்கேயர், ராஜ் மதன், சுகன்யா ஆகியோர் இந்த படத்தில் நடித்துள்ளனர். 

சந்தோஷ் நாராயணன் இசையில் முரளி ஒளிப்பதிவில், ஸ்ரீகர் பிரசாத் படத்தொகுப்பில் உருவாகி வரும் இந்த படம் அடுத்த ஆண்டின் மிகபெரிய எதிர்பார்ப்பை ஏற்படுத்தும் படம் என்பது குறிப்பிடத்தக்கது.