வெளிநாட்டிலும் 'காலா' ரிலீசுக்கு சிக்கல்? அதிர்ச்சியில் படக்குழுவினர்
- IndiaGlitz, [Saturday,June 02 2018]
சூப்பர் ஸ்டார் ரஜினிகாந்த் நடித்த 'காலா' திரைப்பட ரிலீஸ் தேதியின் கவுண்டிங் ஆரம்பமாகிவிட்ட நிலையில் இந்த படத்திற்கு மிகப்பெரிய எதிர்பார்ப்பு ஏற்பட்டுள்ளது. இந்த படத்தின் கடைசி கட்ட புரமோஷன்கள் பணிகள் நடந்து கொண்டிருக்கும் நிலையில் உலகம் முழுவதும் ரிலீஸ் ஆகும் நிலையில் கர்நாடகாவில் மட்டும் அங்குள்ள திரைப்பட வர்த்தக சங்கத்தின் சார்பில் தடை செய்யப்பட்டுள்ளது.
இந்த நிலையில் கர்நாடகாவில் மட்டுமின்றி ஒருசில வெளிநாடுகளிலும் இந்த படத்தின் ரிலீசுக்கு சிக்கல் எழுந்துள்ளதாக செய்திகள் வெளிவந்துள்ளது. குறிப்பாக நார்வே மற்றும் சுவிட்சர்லாந்து நாடுகளிலும் ‘காலா’ படத்திற்கு தடை விதிக்கப்பட்டுள்ளதாக கூறப்படுகிறது.
கர்நாடகா, நார்வே, சுவிஸ் என தடையின் இடங்கள் அதிகரித்து கொண்டே செல்வதால் இந்த படத்தின் வசூல் எதிர்பார்த்த அளவு இருக்குமா? என்ற சந்தேகம் எழுகிறது. இருப்பினும் இந்த படத்தின் ரிலீஸ் உரிமையை பெற்றுள்ள லைகா நிறுவனம் இந்த பிரச்சனைக்கு தீர்வு காணும் என எதிர்பார்க்கப்படுகிறது.