சூப்பர் ஸ்டார் ரஜினிகாந்த் நடிப்பில் இயக்குனர் பா.ரஞ்சித் இயக்கிய 'காலா' திரைப்படம் வரும் ஜூன் மாதம் 7ஆம் தேதி வெளியாகவுள்ளதாக சமீபத்தில் அதிகாரபூர்வமாக அறிவிக்கப்பட்ட நிலையில் இந்த படத்தின் இசை வெளியீட்டு தேதி குறித்த அறிவிப்பு தற்போது வெளிவந்துள்ளது.

இந்த படத்தின் பாடல்கள் வரும் மே மாதம் 9ஆம் தேதி வெளியாகும் என்றும் சந்தோஷ் நாராயணன் கம்போஸ் செய்த பாடல்களை கேட்க ரஜினி ரசிகர்கள் தயார் ஆகவும் என்றும் 'காலா' தயாரிப்பாளர் தனுஷ் தனது சமூக வலைத்தளத்தில் தெரிவித்துள்ளார். இந்த அறிவிப்பு ரஜினி ரசிகர்களுக்கு பெரும் உற்சாகத்தை அளித்துள்ளது.

ரஜினிகாந்த், ஈஸ்வரிராவ், ஹூமாகுரேஷி, நானா படேகர், சமுத்திரக்கனி, அஞ்சலி பட்டேல், சுகன்யா, உள்பட பலர் நடித்துள்ள இந்த படத்தை தனுஷின் வொண்டர்பார் நிறுவனம் தயாரித்துள்ளது. முரளி ஒளிப்பதிவில் ஸ்ரீகர் பிரசாத் படத்தொகுப்பில் இந்த படம் உருவாகியுள்ளது என்பது குறிப்பிடத்தக்கது.